Бүген Казанга Екатеринбургтан бер төркем балалар килде. Алар истәлекле һәм тарихи урыннарга сәяхәт кылачак. Милләттәшләребезнең әлеге сәфәрен оештырырга Бөтендөнья татар конгрессы булышлык күрсәтте.

Балалар дүрт көн эчендә башкалабыз Казан белән таныша. Шулай ук бөек шагыйребез Г. Тукайның әдәби-мемориаль музее комплексында, Арча районындагы Кырлай музей-йортында булачаклар һәм бабаларыбызның тарихи эзләре сакланган Болгар шәһәренә бару да планлаштырыла.