Бүген бөек шагыйребез Габдулла Тукайның тууына 135 ел тулу уңаеннан җир шарының төрле почмакларында матур чаралар оештырыла. Әстерхан татарлары да читтә калмады. Иртәдән үк алар Тукай һәйкәленә чәчәкләр китерә. Биредәге “Дуслык” татар оешмасы тырышлыгы белән булдырылган сквер милләттәшләребезне бәйрәм уңаеннан кабат очраштырды.

Исегезгә төшерәбез, шагыйрь Г.Тукайга һәйкәл Әстерхан шәһәрендә 2013 нче елның 27 нче маенда ачылган иде.