Әстерхан өлкәсендә яңа Кутум бистәсеннән көньяк-көнчыгыштарак 100 кв.метрдан артык мәйданда авыл Сабан туе кысаларында Татар ишегалды төзеләчәк. Бу хакта мәгълүмат Дәүләт сатып алулары порталында урнаштырылган.
Ишегалдында музей, дүрт павильон, мәчет, сәхнә, мич, йорт, күпер һәм кое урын алачак.
Барлык эшләр 2023 елның 17 маена кадәр тәмамланырга тиеш, контрактның бәясе 12 млн 574 мең 647,49 сум. Әстерханда Татарстанның кечкенә бер өлешен Кукмара районы мәдәният йорты контроле астында «Домострой» ҖЧҖ төзиячәк.
