Уфа шәһәрендә Бөтендөнья татар конгрессы исеменнән ифтар ашы уздырылды.

Бихисап милләттәшләребезне берләштергән әлеге чарада татар иҗтимагый оешмалары җитәкчеләре һәм әгъзалары, дин әһелләре катнашты.

Милли шура рәисе Васил Шәйхразыев та бу вакыйгада катнашыр өчен Уфага килде. Бөтендөнья татар конгрессының Башкортстандагы вәкиллеге җитәкчесе, “Ихлас” мәчете имам-хатыйбы Альфред Дәүләтшин әйтүенчә, ифтар ашлары уздыру – изге Рамазан аенда иң күркәм күренешләрнең берсе.