4 октябрьдән 6 октябрьгә кадәр Ханты–Манси автономияле округында Бөтенроссия милли бердәмлек форумы уза. Форумның икенче көнендә милләттәшләребез “Чит ил гражданнарының социаль һәм мәдәни адаптациясе» дискуссия мәйданчыгында, шулай ук төрле семинарларда катнаштылар, тәҗрибә уртаклаштылар, фикер алыштылар.
Гөлчәчәк Галимова, Покачи шәһәренең «Туган як» татар-башкорт иҗтимагый оешмасы рәисе:
– Бүген форумның икенче көне. Шушы ике көндә киләчәк эшчәнлекне алып барыр өчен бик күп мәгълүмат тупладым. Форумда милләттәшләребез белән очраштык. Алга куелган планнар турында да фикер алыштык. Форум бик яхшы оештырылган. Форумда катнаша алуым белән бик бәхетле.
