2023 елның 22 апрелендә Мәскәү шәһәре Пресненск районы идарәсе актлар залында “Хәзинә” башкорт вокаль-хореография ансамбленең еллык хисап концерты узды.
Чарада Бөтенроссия Татар гаиләсе фонды директоры Миләушә Гайфуллина катнашты. Ул ансамбль коллективын тәбрикләде һәм уңышлар теләде.
Концертта тамашачы яраткан вокаль-хореографик композицияләр тәкъдим ителде, премьера номерлары да булды. Коллективның иҗади яктан гына түгел, яшь артистлар белән дә үсүе сөендерә.
“Хәзинә” башкорт вокаль-хореография ансамбле күп төрле халыкара бәйгеләр лауреаты. Алар Мәскәү һәм Мәскәү тирәсендәге төрле милләтара чараларда актив катнашучылар.
