Бүген Болгар ислам академиясендә Татарстан Республикасы Дәүләт архивы комитетының  коллегия утырышы узды.  Чарада Бөтендөнья татар конгрессы Башкарма комитеты җитәкчесенең урынбасары Илгиз Илдар улы Халиков  катнашты.

Ул залга җыелучыларны Татарстан Премьер-министры урынбасары, Бөтендөнья татар конгрессының Милли Шура рәисе Васил Габтелгаяз улы Шәйхразыев исеменнән сәламләде. Һәм Бөтенроссия татар дин әһелләре форумын үткәрү тәҗрибәсе белән уртаклашып, “Милли тормыш һәм дин” дигән темага чыгыш ясады.