Шушы көннәрдә Бөтендөнья татар конгрессы Башкарма комитеты җитәкчесе урынбасары Илгиз Халиков эшлекле сәфәр белән Башкортстан Республикасында. Бүген ул Дүртөйле шәһәрендә танылган галимә Фәүзия апа Казыйханова белән очрашты.
Халык мәгарифе отличнигы, Н.К.Крупская исемендәге премия лауреаты, хезмәт ветераны Фәүзия Гыйният кызы татар телендә укыту-методик комплексларның авторы. Быел октябрь ахырында аңа Татар конгрессы медале дә тапшырылды.
