Камал театры быел балалар өчен яңа ел тамашасы буларак казах драматургы Олжас Жанайдаровның “Мендәр әкиятен” сайлаган. Кичә театрда премьераның беренче көне иде.
Спектакльне “В твою пользу” хәйрия фондыннан һәм “Дети в радость” хәйрия оешмасыннан килгән балалар белән бергә журналистлар карады.
Спектакльнең режиссёры – Рамил Гәрәев, рәссам – Екатерина Горшкова, композитор – Илдар Харисов, җыр текстларының авторы – Резеда Гобәева.
Спектакль 30 декабрьгә кадәр һәм 6, 8 гыйнварда күрсәтеләчәк. Спектакль алдыннан театр фойесында Кыш Бабай, Кар Кызы катнашында чыршы бәйрәме үтә. Спектакль театрның кече залында күрсәтелә.
Спектакльдә вакыйга балалар бакчасында яшәүче мендәрләр дөньясында бара. 6+ тамгасы белән чыгарылган спектакльдә өлкәннәр өчен дә уйланырлык фикерләр бар.
Рузилә Мөхәммәтова
