Бу минутларда “Казан Экспо” Халыкара күргәзмә үзәгендә Бөтендөнья татар конгрессының Милли Шура утырышы уза. Традиция буенча, җыелышны Татарстан Республикасы Премьер-министры урынбасары, Бөтендөнья татар конгрессының Милли Шура рәисе В.Г. Шәйхразыев ачып җибәрде. Спикер катнашучыларны бүгенге көн программасы белән таныштырды һәм дискуссион мәйданчыклар эше хакында сөйләде.

VIII Съездны уздыру уңаеннан Татар конгрессы адресына күрше төбәкләрдән күп санлы котлау хатлары килде. Милли Шура рәисе һәркемгә, аерым алганда, татар җәмәгатьчелеге вәкилләренә рәхмәтен белдерде һәм киләчәктә дә нәтиҗәле хезмәттәшлеккә өметен белдерде. “Бер-беребезне саклап, аңлап яшик”, – диде Шәйхразыев.