Бүген башкалабызның “Казан Экспо” Халыкара күргәзмә үзәгенә Бөтендөнья татар конгрессының VIII Съезды делегатлары һәм шәрәфле кунаклары җыелды. Биредә иртәдән үк алар өчен “ТАССРның 100-еллыгы әләме белән истәлек фотосы” акциясе эшли.
Әлеге әләм 2020 елда Россиянең барлык төбәкләрендә дә булды. Аның ак фонында ТАССРның 100 еллыгы логотибы тәкъдим ителә. Ул республиканың ниятләренең һәм казанышларының чисталыгын аңлата. Алтын кайма Татарстанның казанышларын символлаштыра.
