27 июнь көнне Краснодар шәһәрендә “Татар кызы” бәйгесенең региональ сайлап алу туры узды. Беренче урынны Новороссийск шәһәренең кырым-татар оешмасы вәкиле Урие Сейтумерова яулады.
Икенче урында – Тихорецк татар оешмасы вәкиле Аделина Колесникова.
3 һәм 4 урыннарны Краснодар шәһәреннән Әхмәтова Гүзәл һәм Адыгеядан Сәлимҗанова Рәмзия бүлештеләр.
«Татар кызы» этноконкурсы татар халкының мәдәниятен һәм традицияләрен саклауга юнәлдерелгән. Катнашучылар татар халык ризыклары пешерүдә, иҗади һәм интеллектуаль бәйгеләрдә көч сынашалар.
