Бүген бөтен Татар дөньясы бер булып, “Татарча диктант” язарга ашыкты. Бу елгы диктант Тукаебызнын 140 еллык юбилеена багышлануы күңелләргә аерым бер хозурлык бирде.
Яше-карты бер булып, диктант язу мәйданнарын гөрләтте. Кушнаренко үзәк китапханәсенең уку залында да, җыелган халыкның күңелендә дә бүген бәйрәм иде. Диктантны язып беткәч тә әле, таралышырга ашыкмадылар. Хисләрен уртаклашып, күңелле әңгәмә кордылар, диктант эчтәлеге буенча фикерләре белән бүлештеләр.