12 нчы май көнне Сарман районының Ләшәү Тамак авылында Бөек Җиңүнең 77 еллыгына багышлап «Хәтер бакчасы» акциясе узачак. Сугышта һәлак булган ветераннар исеменә 50 төп алмагач утырту планлаштырыла.
Чара Ләшәү Тамак мәктәбендә сәгать 10:00 да башлана. Биредә Татарстан Республикасының экология министрлыгы вәкилләре, район җитәкчелеге, район мәгәриф вәкилләре, мәктәп коллективы, укучылар, әти-әниләре, татар балалар экологик хәрәкәте “ЭкоМәрхәмәт” һәм теләге булган һәркем катнаша.
