Күп кенә милләттәшләребез кебек үк, Айрат Хакимов Узбәкстанның татарлар укмашып яши торган Алмалык шәһәрендә туып үскән. Ул 1991 нче елда Казанга укырга килгән, медицина институтын тәмамлап, теш табибы булган. Стоматологиядә бераз эшләгәч, Мәскәү унверситетының фәлсәфә факультеты аспирантурасында укыган.
Казанга килүенә 31 ел үткәч, ул Татарстанда һәм Мәскәүдә эшләүче дистәдән артык теш клиникалары төркеме ачкан. Үзе дә кешеләрне дәвалый. Реклама белән мавыкмый, фәлсәфәне өйрәнә. Айрат Хакимов – кызыклы шәхес, мөстәкыйль фикер иясе. Бу видеода татар һәм мөселман кешесенең әхлагы, милләт киләчәге турында фикерләре белән дә бүлешә.

Айрат Хакимовның үткән юлы һәм планнары турында безнең видеоәңгәмәдән карагыз!