Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Алтай краена килде.

Барнаулда татарларның милли-мәдәни традицияләрен, гореф-гадәтләрен һәм телен саклау өчен ике иҗтимагый оешма оештырылган: Алтай крае татарларының төбәк милли-мәдәни автономиясе һәм Алтай крае “Дулкын” татар мәдәнияте үзәге иҗтимагый оешмасы. Милли Шура рәисе бүген әлеге оешмаларның эшчәнлеге белән танышты. Алар Алтай краенда мәгариф, мәдәни-массакүләм, спорт чараларын оештыру белән шөгыльләнә, җирле татар һәм дини җәмгыятьләре белән тыгыз элемтәдә тора.

Татарстаннан килгән кунакларны милли җыр-биюләребез белән каршы алдылар.