10-12 февраль көннәрендә Бөтендөнья татар конгрессы Башкарма комитеты җитәкчесе Данис Шакиров Саратов өлкәсенә сәфәр кыла. Биредә ул Идел буе федераль округының татар иҗтимагый оешмалары активы белән очрашачак.

Шулай ук биредә Шахмат сараенда Сарытау өлкәсендә татар иҗтимагый хәрәкәтенең 30 еллыгына багышланган концерт узачак. Милли бәйрәмдә Татарстан Республикасы сәнгать осталары катнаша.