Татарстан Премьер-министры урынбасары, Милли Шура рәисе Васил Шәйхразыев Пермь краена эш сәфәре барышында Г. Тукай исемендәге Барда гимназиясендә дә булды. Биредә ул уку-укыту эшчәнлеге белән таныша.

“Татарлар: гамәл Стратегиясе” документы кысаларында, Татарстан төбәкләрдәге мәктәпләрне федераль стандартларга туры килгән татар теле дәреслекләре белән тәэмин итә, укытучыларның белемен арттыруда булыша. Васил Шәйхразыев татар теле укытучылары белән аралашып, аларны кызыксындырган сорауларга җавап бирде.