Минзәлә гимназиясенең “Сәяр” труппасы Татарстан Республикасында үткәрелгән “Сәйяр” фестивалендә гран-при яулады.
– Без узган ел да Мирхәйдәр Фәйзинең “Адашкан күңелләр” әсәре белән катнашып, әлеге фестивальдә катнашып, 1 урын яулаган идек. Быел исә, Муса Җәлилнең “Вәхшәт” шигырен сәхнәләштердек, гран-прига лаек булдык. Әйтергә кирәк, әлеге әсәрне сәхнәләштерү күп көч таләп итте, 3 ай буена әзерләдек. Күпләр безгә: “Әле беркемнең дә Муса Җәлилнең “Вәхшәт” шигырен шулай сәхнәләштерүгә алынганы юк иде, зур эш башкаргансыз!”, дип тә әйттеләр, – дип хәбәр итте безгә Минзәлә гимназиясенең “Сәяр” труппасы җитәкчесе, Дамир Сираҗиев Әлфия Авзалова исемендәге, “Тантана” премияләре лауреаты Ленар Миңнемуллин.
“Сәйяр” республика театр фестивале-конкурсы ТР Мәгариф һәм фән министрлыгы тарафыннан “Салават күпере” һәм “Сәхнә” журналлары редакциясе белән берлектә үткәрелә. Анда бөтен республикадан балалар һәм яшьләр театрлары катнаша.
