Мордовия җире Россиянең утыздан артык регионыннан җыелган кунакларны кабул итә. Бүген биредә XII Бөтенроссия татар авыллары Сабан туе башланып китте. Республика чигендә Татарстан, Киров өлкәсе, Коми һәм Бурятия Республикаларыннан килгән делегацияләрне җирле сәнгать осталары милли ризыклар һәм җыр-биюләр белән каршы алды.
Сабантуйның бүгенге программасы кысаларында кунакларга Ләмбрә авылында бәйрәм концерты оештырылачак.