17нче июнь көнне, Нижневартовск шәһәрендә “Итле” хәләл кафесы ачылды. Аның эшчәнлеге белән Татарстан Республикасы Премьер -министры урынбасары, Бөтендөнья татар конгрессының Милли Шура рәисе Васил Шәйхразыев танышты.
HalaI Lifestyle форматында эшләүче итле стейк-кафесына нигез салучы – Руслан Хәйретдинов. Ул билгеләп үткәнчә, кафеда Татарстан җитештерүчеләренең продуктлары кулланыла.
2019 елда стейк-хаус “Итле” кафесы Татарстан башкаласында үз ишекләрен ачты. «Итле» әзер хәләл продукция җитештерүне башлап җибәрү проекты Татарстан Республикасы Президенты Рөстәм Миңнеханов рәислегендә узган республиканың Инвестицион советы утырышында хупланды.
Бүген «ИТЛЕ” – Казанда урнашкан хәләл кафелар челтәре. Әзер хәләл продукция җитештерү азык-төлек сәнәгатен һәм икътисадны үстерүгә ярдәм итә.
