Апас районының Олы Бакырчы авылында кичке уен узды.

“Гармунлы авылым кичләре” Кызыл Армия урамында узды. Бирегә килүче һәркем рәхәтләнеп күңел ачты: җыр, бию, онытыла барган халык уеннары, кызыклы җәзалар, кайнар коймак, самовардан яңа аертылган бал белән мәтрүшкәле чәй – барысы да авылдашларыбыз, кайткан кунакларыбыз өчен оештырылды.

“Йөзек салыш” , “Чума үрдәк- Чума каз”, “Ремень сугыш”,”Тукмак әйләндерү” уеннарында катнашып, өлкәннәребез яшьлек елларын искә алды, ә балалар аларны йотлыгып күзәтте, рәхәтләнеп уйнады.

Чыганак: apastovo.ru