“Кардәшләр” татар-башкорт мәдәният җәмгыяте өчен хәзер Калининградның Храброво аэропортында Казан командасын каршы алу матур традициягә әйләнде. 9 декабрь кичендә салкын Татарстаннан килгән Казан командасын Балтыйк җылысы, чәк-чәк һәм Республиканың милли байрагы белән каршы алдылар.
Узып баручы елның йомгаклау матчында “Рубин” футбол клубы Россия премьер-лигасы чемпионатының беренче өлешен җиңү белән тәмамлады. Калининградта, 10 декабрьдә, Бөтендөнья футбол көнендә Рубин “Балтика” ФК өстеннән җиңү яулады. Матчның 7 минутында ук җирле клуб капкасына җиңү тубы кертелде. Уен 1:0 исәбе белән тәмамланды.
Казан футболчыларын каршы алу традициясе быел 20 майда, беренче тапкыр төбәкнең татар җәмгыяте вәкилләре, үзләренә хас кунакчылык белән, килүче Рубин командасын каршы алгач башланды. Рубин Балтика белән футбол кырында көч сынашу өчен Калининградка очып килде.
Гәрәбә башкаласында яшәүчеләр һәм кунаклар,аеруча Храброво аэропортында урнашкан күпсанлы такси йөртүчеләре, берникадәр вакытка көтмәгәндә үз гамәлләреннән һәм уйларыннан читләштеләр.
Тирә-яктагы кешеләрнең гаҗәп карашлары алдында, килгән Казан командасы шатлыклы кунакчыллык дулкыннарына батты диярлек. Баш тренер Рәшит Рәхимов символик милли бүләк – чәк-чәк белән бүләкләнде.
Калининград татарлары Рубинның җиңүенә ышаныч белдерделәр, күрәсең, команданың психологик кәефендә мөһим роль уйнаган. Авыр һәм матур уеннан соң, Казан командасы Беренче лиганың турнир чемпионы булып Казанга кайтты. “Рубин” чемпионлыгы Россия премьер-лигасына әйләнеп кайтырга мөмкинлек бирде.
Гомуми фикер матчның футбол комментаторлары тарафыннан ике команданың да уены тамашачыларны матур футбол белән сөендерде. Стадион кырына сирәк төшкән кечкенә кар уенны бозмаган.
Россиянең иң көнбатыш төбәгендә Казаннан футболчыларның барлыкка килүе матур итеп Татарстан белән таныштыра, калининградлыларның татар милли мәдәнияте белән кызыксынуын киңәйтергә ярдәм итә.
Спорт берләштерә! Спорт кешеләрне һәм аларның бергәлекләрен берләштерә, этник, дини яки сәяси карашларына карамастан, уртак тел табарга ярдәм итә.
Калининград өлкесенең “Кардәшләр” татар-башкир мәдәни җәмгыяте иҗтимагый оешмасы
