Быел да алар мөселман кардәшләрен үз кафеларында кунак иттеләр. Районыбыз башлыгы Альберт Рәхмәтуллин белән ТР җир һәм мөлкәт мөнәсәбәтләре министры Фәнил Әһлиуллин да алар арасында иде.

Мәҗлес районыбыз имам-мөхтәсибе Дамир хәзрәт Гыйниятуллинның Коръән сурәләре укуы белән башланды. Ул изге Рамазан ае турында вәгазьләр дә сөйләде.

Альберт Рәхмәтуллин залдагы мөселман кардәшләребезне Рамазан ае башлану белән котлады, тоткан уразаларының кабул булуын теләде. Ифтар мәҗлесен оештырган Җәләлиевлар гаиләсенә олы рәхмәтләрен җиткереп, үткәргән ифтарларының Ходай Тәгалә тарафыннан кабул булуын теләде.