Стәрлетамак шәhәренең Башкорт дәүләт университеты филиалында “Татарча диктант” акциясендә 36 кеше катнашты. Диктантны кафедра мөдире, филология фәннәре кандидаты, доцент Мансур Илсур Салихҗан улы укыды, дип хәбәр итте башкорт hәм төрки телләр филологиясе факультеты студенты Элиза Кыямова.
Акциягә башкорт хәм төрки телләр филолгиясе факультетының деканы Илишева Р.Х да кушылган. Иң яшь диктант язучыга 9 яшь булган. Диктантны «Туган тел» шигыре белән башлаганнар. Җыр-биюләр дә башкарылган, шигырьләр дә сөйләгәннәр. Илсөя Бадретдинова концертына билет та уйнатканнар. Милли киемнәрдә килгәннәргә буләкләр тапшырылган.
