27 мартта Свердловск өлкәсенең Югары Пышма шәһәрендәге «Киноград» кинотеатрында татар телендәге «Исәнмесез» фильмы күрсәтелде. Бу Татарстан Республикасының Свердловск өлкәсендәге Даими вәкиллеге ярдәмендә «Татаркино» һәм кинотеатр арасындагы ике яклы килешү нәтиҗәсендә мөмкин булды.
Татарстанның Свердловск өлкәсендәге Даими вәкиллеге матбугат хезмәте хәбәр иткәнчә, фильм тамашачыларга бик тә ошады: сеанс тәмамланганнан соң да алар таралышырга ашыкмады, озаклап фикер алышты.
«Киноград» кинотеатры алга таба да коммерция нигезендә татар телендәге фильмнар күрсәтү буенча «Татаркино» белән хезмәттәшлекне үстерергә әзер.
