20 октябрьдә Татар китабы йортында шагыйрь, җәмәгать эшлеклесе, иганәче, сәнәгатькәр, алтын приискылары хуҗасы Дәрдемәнднең (Закир Рәмиев) иҗатына багышланган күргәзмә ачыла. Бу хакта Татар китабы йортының матбугат хезмәте хәбәр итә.

Бер атна дәвамында Дәрдмәнднең тормышына багышланган лекцияләр, очрашулар, түгәрәк өстәл оештыру күздә тотыла. Шагыйрьнең иҗаты танылган сәнгать осталары, музыкантлар һәм артистлар башкаруында әдәби-музыкаль кичәдә яңгыраячак.