Татарстан Республикасы Мәгариф һәм фән министрлыгы хезмәткәрләре Дөньякүләм “Татарча диктант яз” акциясендә катнашты.

Татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталар ясамыйча язу теләге уяту, татар теле белгечләрен һәм туган тел (татар теле) укытучыларын тагын да популярлаштыру максатыннан оештырылган әлеге акциядә Татарстан Республикасының барлык белем бирү йортларында диктант язу өчен мәйданчыклар булдырылды.