Театраль Сабантуйда Минзәлә театры артисты Нәфис Гайфуллин батыр калды.
Кичә Апас авылы Сабантуй мәйданында республика театраль Сабантуе үтте. Ул Татарстанда унөченче тапкыр үткәрелде.
Минзәлә театры артисты театраль Сабантуй тарихында беренче тапкыр абсолют батыр калды. Нәфис Гайфуллин Минзәлә театрында 2016 елдан бирле эшли. Тумышы белән Кукмара районыннан.
Театраль Сабантуй батыры автомобильгә ия була.
Төрле елларда Тинчурин театры артистлары Алмаз Фәтхуллин, Харис Хөснетдинов, «Әкият» курчак театры артисты Юрий Чуктиев, Камал театры артисты Минвәли Габдуллиннар батыр калганы бар.
Рузилә Мөхәммәтова
