ТР Милли китапханәсендә 2 нче мартта мәдәни-тарихи һәм табигый мирас өлкәсендә идеяләр, проектлар һәм социаль инициативалар фестиваль-ярминкәсе узачак.
Фестиваль вакытында оештыручылар тарафыннан лекцияләр, осталык дәресләре, проектлар презентацияләре, түгәрәк өстәлләр, күргәзмә, экологик квиз, шулай ук китап алмашу һәм ярминкә үткәрү планлаштырыла.
Гаризаны, анкета тутырып, сылтама буенча бирергә мөмкин. Чыгыш ясаучылар – 23 нче февральгә кадәр, ә тыңлаучылар 28 нче февральгә кадәр теркәлергә тиеш. Катнашу регламенты турында тулырак мәгълүматны телеграм-каналында таба аласыз.
Кунакларны 10:00 сәгатьтә Пушкин урамы, 86 йорт адресы буенча көтәләр. Программада каралган чаралар 17:00 сәгатькә кадәр дәвам итәчәк.
Чара әлеге өлкәне популярлаштыру юнәлешендә эшләүче белгечләр һәм оешмалар арасында тәҗрибә һәм практика алмашуны, шулай ук аларның үзара хезмәттәшлеге өчен платформа булдыруны максат итеп куя.
Фестиваль-ярминкәне оештыручылар арасында «Феникс» иҗади һәм гражданлык инициативаларына ярдәм итү үзәге» коммерциягә нигезләнмәгән автоном оешмасы, «Яркий» туризм үзәге» коммерциягә нигезләнмәгән автоном оешмасы һәм «Тимер Хелперс» иреклелек үзәге» коммерциягә нигезләнмәгән автоном оешмасы бар.
