«Түбән Кама хатын-кызлары» иҗтимагый оешмасы НТР медиахолдингы белән берлектә Яңа ел бүләкләрен Донбасс балаларына тапшырды.
Татарстанда Яңа ел котлауларын җыю буенча хәйрия акциясе «Татарстан хатын-кызлары» республика иҗтимагый оешмасы инициативасы белән оештырылды. Иртәгә Россия Федерациясенең яңа субъекты балаларына татлы бүләкләр, китаплар, уенчыклар, азык-төлекләр җибәреләчәк. Аларны «Донбасс хатын-кызлары» иҗтимагый оешмасына тапшырачаклар. Ул үз чиратында барлык бүләкләрне дә адресатка илтеп бирәчәк.
«Без бүген чираттагы гуманитар ярдәм җибәрдек, – диде Түбән Кама Мэры урынбасары Марина Камелина. – Бүген бүләкләр, тәм-томнар, уенчыклар Чаллыга китереләчәк, ә иртәгә йөк машинасы яңа территориягә юл тотачак. Донбасс балаларында да бәйрәм рухы булсын иде. Бүләкләр белән җылылыкны һәм эчкерсезлекне җиткерергә тырыштык. Без борчылабыз һәм балаларның могҗизага ышануларын телибез. Аларның теләкләре дә тормышка ашачак!»
