21 декабрь көнне Түбән Новгородта өлкә татар автономиясенең отчет-сайлау конференциясе үзды. Аны өлкә Диния нәзарәте рәисе Гаяз хәзрәт Закиров хәер-дога белән башлап җибәрде.
Өлкә хөкүмәте исеменнән барча делегатларны һәм хөрмәтле кунакларны шәһәр депутаты Николай Сатие, Бөтендөнья татар конгрессы вәкиле Рәзил Зиннәтуллин күпмилләтле регионда РНКАТНОның халыкара дуслыкны ныгытуга керткән өлешен югары бәяләделәр һәм уңышлар теләделәр.
РНКАТНО рәисе Мирзәхләм Абдулганиев шушы иҗтимагый оешманың узган ике еллык эшчәнлегенә йомгак ясады һәм үзара фикер алышканнан соң, делегатлар автономия советының яңартылган составын сайлады.
