Шушы көннәрдә Ульяновск өлкәсе Чынлы районы татар автономиясе һәм Үзәк диния нәзарәте тырышлыгы белән Зур Нагаткино бистәсендә Ханәфи Вәли улы ярдәмендә сафка бастырылган мәчет диварына истәлек тактасы куелды. Чарада Ханәфи Вәли улының якыннары һәм мәхәллә халкы катнашты.
«Өмет» газетасы хәбәр иткәнчә, Ульяновск өлкәсенең һәм Чынлы районының Почетлы гражданины, Россия Федерациясенең атказанган авыл хуҗалыгы хезмәткәре Ханәфи Вәли улы Рамазановның бакыйлыкка күчүенә бер ул булды. Танылган милләттәшебез Чынлы районын 26 ел дәвамында җитәкләгән.
