Үрәзмәт авылы мәдәният йортында “Үрләр яулар Үрәзмәт” китабын тәкъдим итү кичәсе үткәрелде.
Авыл тарихын барлау, аны киләчәк буыннарга ядкәрь итеп калдыру бик зур, тырыш хезмәт таләп итүче изге эш. Үрәзмәт авылы халкы бик дус, бердәм, актив булуы белән горурлана. Әлеге китап дөнья күрсен өчен һәркем үз өлешен керткән дисәк тә ялгыш булмас. Үрәзмәт авылы тарихын китап битләренә туплау хыялын тормышка ашырган Әлфинур Ногмановага авылдашлары рәхмәтләрен җиткерә.
Китапның үзе кебек үк аны тәкъдир итү кичәсе дә бик тә эчтәлекле, югары дәрәҗәдә узды. Тарихы барның – киләчәге бар ди, халык. Афәрин, үрәзмәтлеләр!
