2022 елның 13 август көнне 16:00-22:00 вакыты аралыгында Чаллыда URBANTATAR берләшмәсе UT FEST беренче яңа татар мәдәнияте фестивален уздырачак.
Бер көнгә Чаллының үзәк мәйданы — Азатлык — шәһәрлеләрне җәлеп итү ноктасына әвереләчәк. Программада — Казанның Yummy Music инди-лейблыннан яңа татар музыкасы концерты һәм Aman Po-Kaifu кунагыннан DJ-сет (Мәскәү), ART LAB, балалар мәйданчыгы, дизайн-маркет, маршруткада урам экскурсиясе һәм махсус менюлы фуд-корт — һәм болар барысы да татарча.
