tatruen
Баш бит / Яңалыклар / Васил Шәйхразыев Бөтендөнья татар конгрессының Милли Шура рәисе итеп сайланды
Васил Шәйхразыев Бөтендөнья татар конгрессының Милли Шура рәисе итеп сайланды

Васил Шәйхразыев Бөтендөнья татар конгрессының Милли Шура рәисе итеп сайланды

Бүген «Казан Экспо» Халыкара күргәзмәләр үзәгендә Бөтендөнья татар конгрессының VIII съездының пленар утырышы уза.

Монда съездның барлык делегатлары тарафыннан Бөтендөнья татар конгрессы Милли Шурасының яңа составы расланды. Анда татар халкының 75 абруйлы вәкиле керде.

Бөтендөнья татар конгрессының  Милли Шура рәисе итеп бертавыштан Татарстан Республикасы Премьер-министры урынбасары Васил Шәйхразиев сайланды. Аны Россия Федерациясе Герое Дамир Йосыпов тәкъдим итте.

– Хөрмәтле делегатлар һәм кунаклар! 5 ел дәвамында без нәтиҗәле эшчәнлек алып бардык. Киләсе 5 елда, Президентыбыз ярдәме белән, тагын да югарырак үрләргә ирешергә насыйп булсын! Татар халкы мәңгелек булсын! Бергә булыйк! Бердәм булыйк! – дип мөрәҗәгать итте Васил Шәйхразыев милләттәшләребезгә.

Шулай ук биредә Милли Шура рәисе урынбасарлары сайланды.

ШӘЙХРАЗЫЕВ ВАСИЛ ГАБТЕЛГАЯЗ УЛЫ

Татарстан Республикасы Премьер-министры урынбасары

Бөтендөнья татар конгрессының  Милли Шура рәисе

1963 елның 3 февралендә ТАССРның Минзәлә районы Сәет авылында туган

Белеме:
СССР Эчке эшләр министрлыгының югары юридик читтән торып уку мәктәбен тәмамлый, белгечлеге -“Хокук белеме”, юрист, 1990ел.

Хезмәт эшчәнлеге:
10.1980-04.1980 – “Автозаводстрой” УМС УС монтер булып эшли, Чаллы ш.
04.1981-10.1983 – СССРның КГБ чик буе гаскәрләрендә хезмәт итә, Биробиджан ш.
10.1983-08.1993 – ТАССР Эчке эшләр министрлыгында, Чаллы ш.
08.1993-08.1995 – “Чаллыбанк” акционерлык коммерциячел банкының хокукый идарә башлыгы, Чаллы ш.
08.1995-08.2003 – “Чаллы” финанс компаниясе” ҖЧҖ директоры, Чаллы ш.
08.2003-02.2004 – Чаллы шәһәре хакимияте башлыгы ярдәмчесе
02.2004-12.2005 – Чаллы шәһәре башлыгының беренче урынбасары
2005 елның декабреннән Чаллы шәһәре муниципаль берәмлеге башкарма комитеты җитәкчесе
10.2010-09.2014 – Чаллы шәһәре мэры
2014 елның 17 сентябреннән Татарстан Республикасы Премьер-министры урынбасары

Бүләкләре:
«Татарстан Автономияле Совет Социалистик Республикасы төзелүгә 100 ел» медале, 2020 ел;
Почёт ордены, 2019 ел;
Дуслык ордены, 2013 ел;
“Казанның 1000- еллыгы истәлегенә” медале, 2005 ел;
“Намуслы хезмәте өчен” медале, 2008 ел;
Җирле үзидарә органнарын үстерүгә өлеш керткән өчен медаль, 2014 ел;
Татарстан Республикасы Президентының Рәхмәт хаты, 2006, 2010ел;
Татарстан Республикасы Президенты Рәхмәте, 2012 ел;
“Намуслы хезмәт өчен” медале, 1991 ел;
“Сугышчан бергәлекне ныгыту өчен” медале, 2008 ел;
“Булышлык өчен” медале, 2012 ел;
СССР Эчке эшләр министрлыгының мактау грамотасы, 1988 ел;
РФ Оборона министрлыгының мактау грамотасы, 2007, 2012 ел;
Россия Федерациясенең Региональ үсеш министрлыгы Рәхмәте, 2011 ел;
“Чаллы шәһәре алдындагы казанышлары өчен” билгесе, 2008 ел;

Фикер калдырырга

Обязательные поля отмечены *

*