11-12 гыйнварда Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Башкортстан Республикасында булачак.

Биредә Васил Шәйхразыев Башкортстан Республикасының татар иҗтимагый оешмалары җитәкчеләре белән очрашачак. Шулай ук Бөтендөнья татар конгрессы Милли Шура рәисенең  күп профильле полилингваль «Белем» мәктәп-интернат эшчәнлеге белән танышуы көтелә.