Татарстан Премьер-министры урынбасары, Бөтендөнья татар конгрессының Милли Шура рәисе Васил Габтелгаяз улы Шәйхразыев эш сәфәре белән Луганск Халык Республикасына килде. Биредә ул Алчевск шәһәрендәге “Таң” татар мәдәни үзәге җитәкчесе Флюр Карачурин белән, шулай ук Донбасс татарлары белән очрашулар уздырачак. Көн тәртибендә Алчевск шәһәре башлыгы Альберт Апшев белән рәсми очрашу каралган.

Бүген Луганск шәһәрендә “Донбасстагы традицион диннәр – экстремизмга һәм неонацизмга каршы” дип исемләнгән халыкара конференция уза. Васил Шәйхразыев әлеге чарада катнашачак.