2022 елның 31 гыйнварында Татарстан Республикасы Премьер-министры урынбасары, Бөтендөнья татар конгрессының Милли Шура рәисе В.Г. Шәйхразыев Төньяк-Көнбатыш федераль округының татар иҗтимагый оешмалары җитәкчеләре белән Мурманск өлкәсе мөселманнарының Диния нәзарәте каршындагы Ислам үзәгендә булды. Кунакларны үзәк эшчәнлеге белән Мурманск шәһәре һәм Мурманск өлкәсе мөселманнарының Үзәк диния нәзарәте рәисе А.М. Тагиев таныштырды.

Бүгенге көндә мәчеттә никах мәҗлесләре үткәрелә, ураза тотучылар өчен хәйрия ашлары оештырыла, мөселман җәмгыяте тормышында мөһим вакыйгалар игълан ителә. Ир-атлар атна саен җомга намазына җыела.