Татарстан Премьер-министры урынбасары, Милли Шура рәисе Васил Шәйхразыев М. Фәйзи исемендәге театр фойесында урнашкан, патриот-шагыйрь М. Җәлилгә багышланган күргәзмә белән танышты. Бирегә ул Оренбург татар хатын-кызларының V форумында катнашу өчен килде.

Муса Җәлилнең исемен мәңгеләштерү өчен якташлары зур тырышлык куя. Мостафа авылында туган шагыйрьләре, аның каһарманлыгы белән Оренбург татарлары горурланып яши. Күргәзмәгә дә М. Җәлилнең тормышын, иҗатын чагылдырган бик күп экспонатлар туплаганнар.