Бүген, Татарстан Премьер-министры урынбасары, Милли Шура рәисе Васил Шәйхразыев, Оренбургка эшлекле сәфәр кысаларында шәһәрнең Үзәк Җәмигъ мәчетендә булды һәм “Хөсәения “мәдрәсәсенең эшчәнлеге белән танышты. Кунакларны мөфти, “Хөсәения” мәдрәсәсе директоры – Шәрипов Альфит (Абдулла) Әсхәт улы каршы алды.
Мәчет 1885 елда төзелгән. 1991 елда аңа Оренбургның Үзәк Җәмигъ мәчете исеме бирелә. Аның территориясендә Оренбург өлкәсе мөселманнарының Диния нәзарәте һәм «Хөсәения» мәдрәсәсе урнашкан.
