Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Шаһгали хан тәкиясе белән танышты. Әлеге чара Милли Шура рәисенең Рязань өлкәсенә эш сәфәре кысаларында узды.

Шаһгали хан тәкиясе – Рязань өлкәсенең Касыйм шәһәрендә Шаһгали хан кабере урнашкан бина. Бинаның биеклеге якынча 5 метрны тәшкил итә. Биредә ике бүлмә бар: зурысында Шаһгали Хан, аның хатыны һәм кайбер туганнары күмелгән, ә кечкенәсе исә Коръән уку өчен файдаланылган.