Татарстан Премьер-министры урынбасары, Бөтендөнья татар конгрессының Милли Шура рәисе Васил Габтелгаяз улы Шәйхразыев Башкортстанга эш сәфәре барышында тарих фәннәре кандидаты, этнолог Илдар Мәхмүт улы Габдрафиков белән очрашты.

Илдар Габрафиков 1965 нче елда Башкортстан Республикасының Чакмагыш авылында дөньяга килә. 1989 нчы елда Башкорт дәүләт университетының тарих факультетын тәмамлый. 1993 нче елдан 2022 нче елга кадәр этнологик тикшеренүләр институтында башта кече фәнни хезмәткәр, соңрак этнополитология бүлегенең өлкән фәнни хезмәткәре вазыйфаларын башкара.