Казанга VIII съезд делегатлары килү дәвам итә. Бүген Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Үзбәкстандагы татар һәм башкорт Аксакаллар Шурасы рәисе Рим Гыйниятуллин белән очрашты. Чарада Бөтендөнья татар конгрессының Башкарма комитеты җитәкчесе Данис Шакиров та катнашты.
Васил Шәйхразыев һәм Рим Гыйниятуллин Үзбәкстанда гомер итүче татарлар тормышы һәм 30 июльдән-2 нче августка кадәр узачак VIII съезд чаралары хакында фикер алышты.
