Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев җитәкчелегендәге делегация янгыннан зыян күргән Курган өлкәсенең Йолдыз (Эчкен) авылына килде.

Сәфәрнең беренче ноктасы булып авылның янгыннан исән калган Аллаһ йорты белән танышудан башланды. Мәчетнең имамы, җирле фермер Әхмәдулла хәзрәт Хәбибуллин коточкыч янгын афәтеннән соң авылның яңадан тернәкләнеп килүе турында сөйләде. Соңыннан кунаклар бергәләшеп намаз укып дога кылдылар.

Исегезгә төшерәбез, бүген Йолдыз авылында Бөтендөнья татар конгрессы Милли Шурасының Бюро утырышы узачак, шулай ук кунаклар авылдагы яшь парларның никах мәҗлесендә дә катнашачаклар.