Соңгы елларда Апас районында халкыбызның инде онытыла башлаган борынгы йолаларын, гореф-гадәтләрен һәм уеннарын кабат кайтару,аларны яшьләргә өйрәтү буенча планлы эш алып барыла. Район үзәгендә генә түгел, авылларда да тарихка, милләт язмышына кагылышлы байтак чаралар узып тора, авыл мәдәният йортларында музейлар ачыла. Бу якның үзенә генә хас булган үзенчәлекләрен чагылдырган бәйрәмнәр байтак. Шуларның берсе-“Кушкапка” бәйрәме Урта Балтай авылында узды. Апас районында милли бәйрәмнәр үткәрү хакында үз хәбәрчебез Рамис Сафин бәян итәр.