Ул һәр яктан булган. Күңелне иркәли торган моңлы тавыш, сәхнәдә үз-үзен тотышы, чибәрлеге белән тамашачыны яраттыра белә. Тик соңгы елларда Асылъяр сәхнәдә сирәк күренде. Моның күңелле сәбәбе бар. Ул әни булды һәм бар көчен улы белән кызын тәрбияләүгә бирде. Һәм менә яраткан җырчыбыз кабат тамашачысы белән. Сәхнәдә дә ешрак күренә, Казан дәүләт мәдәният һәм сәнгать институтына эшкә дә чыкты. Тапшыруда Асылъяр иҗаты, балалары, ни өчен интернет челтәрләрендә үзен артык күрсәтергә яратмавы хакында сөйли.