Быел бөек шагыйрь Габдулла Тукайның тууына 135 ел тула. Шул уңайдан әдипнең Казандагы музеенда төрле күргәзмәләр оештырылды. Биредә шагыйрьнең тормышы, иҗаты, әсәрләре геройлары һәм әлбәттә инде аның кул җылысын саклаган экспонатлар белән танышырга мөмкин. Музейда шагыйрьнең фотоархивын, Тукай язышкан газета- журналларның төп нөсхәләрен, төрле телләргә тәрҗемә итеп басылган әсәрләрен дә күрергә була. Ә Тукайның шәхси әйберләре аерым игътибарга лаек.