Быелгы җәй башыннан Ульяновск өлкәсе мөфтияте төбәкнең татар автономиясе белән берлектә “Һәр көнеңне спорт мәйданчыгыннан башла!” дигән акция оештырып дин кардәшләребез өчен иртәнге зарядка уздыра башлаган иде. Шәһәрнең “Дуслык паркы”нда үтүче бу чарага хәзер 6 яшьтәге сабыйдан алып 80 яшьлек бабайларга кадәр йөри. Кеше сәламәтлегенә әйтеп бетергесез файда бирүче әлеге чараның берсендә безнең хәбәрчебез Рамис Сафин да катнашты.