Пленар утырышка ел саен Татарстан Рәисе Рөстәм Миңнеханов килә. Быел илнең төрле төбәкләреннән 800 эшмәкәр җыелган. Алар халкыбызның борынгыдан килгән һөнәрчелек, кәсепчелек традицияләрен дәвам иттерүче. Бүген эшмәкәрләр Республикадан читтәге бик күп татар авылларының терәге булып тора. Алар цехлар ача, эш урыннары булдыра, керемнәрен авылны саклауга юнәлтә. Алар үрнәгендә яшь буын тәрбияләнә һәм тора-бара үзләре дә авылны саклауга өлеш кертә башлый.